Vətən nəğməsi

Bu əsəri Xudayar Yusifzadənin ifa etdiyi “Vətən nəğməsi”ndən təsirlənərək yaratmışam. O mahnıdakı qürur, sakitlik və Vətən sevgisini rənglərlə ifadə etmək istədim. Yerin sarı-yaşıl çalarları və səmanın soyuq mavi rəngləri daxili tarazlıq yaradır - ağrı ilə sülh, insan və Vətən. Arxa plandakı əsgərlərin üzlərini dəqiqləşdirməmişəm, çünki mənim üçün hər biri önəmlidir, hər biri Vətəni qoruyan igidlərimizin simvoludur. Geyimlərindəki torpaq ləkələri onların keçdiyi çətinliklərin, sınaqların və bu yolda göstərdikləri mərdliyin rəmzidir. Burada torpaqla səma, insanla Vətən birləşir, bir olur.