Sərgi kodu: BF7FD7C
Toyota Arzuların Maşını
Toyota Dream Car Art Contest rəsm qalereyası, uşaqların yaradıcılığını dəstəkləyən və gələcəyin avtomobil dizaynlarına marağı artıran beynəlxalq bir tədbirdir, məqsəd uşaqların yaradıcılıq qabiliyyətlərini nümayiş etdirmək, onların gələcək avtomobil xəyallarını vizual olaraq əks etdirmələrini təmin etməkdir. Beləliklə, “Toyota Abşeron Mərkəzi” ənənəyə sadiq qalaraq uşaqlar üçün 18-ci “Toyota Arzuların Maşını” beynəlxalq rəsm müsabiqəsini elan edir. Müsabiqə yerli və qlobal olmaqla iki mərhələdən ibarət olacaq. Yerli mərhələdə qalib olanlar Toyota Abşeron Mərkəzi tərəfindən mükafatlandırılacaqlar. Qlobal mərhələnin qaliblərinə isə ayrıca mükafatlar təqdim olunacaq.
Yaş Kateqoriyaları:
Yarışma üç yaş kateqoriyası üzrə keçirilir:
1) 4-7 yaş; 2) 8-11 yaş və 3) 12-15 yaş
Qaliblər hər kateqoriya üzrə ayrıca seçilir.
Sərgi iştirakçılarının əsərləri arasından 40 əsər seçilərək, 22 dekabr tarixində Toyota Abşeron Mərkəzində həmin əsərlərdən ibarət fiziki sərgilənir.
Fiziki sərgi üzrə tədbir proqramı:
1) Qalereyanın Açılışı: Rəsm əsərlərinin sərgiləndiyi məkanın rəsmi açılışı.
2) Əsərlərin Dəyərləndirilməsi: Münsiflər heyəti əsərləri dəyərləndirəcək və qalibləri seçəcək.
3) Mükafatlandırma Mərasimi: Hər yaş kateqoriyasında qaliblərə mükafatların təqdimatı.
4) Qonaqlar üçün Gəzişmə: Qalereya açıq qalacaq və qonaqlar sərbəst şəkildə rəsmlərlə tanış ola biləcək.
Münsiflər heyəti əsərləri üç əsas meyar əsasında dəyərləndirəcək:
1) Mesaj: Uşağın gələcək avtomobil haqqında düşüncəsi və bu ideyanın vizual təqdimatı.
2) Unikal Yanaşma: Əsərdə fərqli və yaradıcı ideyaların istifadə olunması.
3) Bədii Keyfiyyət: Rəsmin texniki icrası və kompozisiya keyfiyyəti.
Texniki tələblər:
1)Kağız ölçüsü: Əsərlər A3 - A4 ölçüsündə (400mm x 550 mm və ya kiçik) kağız üzərində təqdim olunmalıdır.
2) Materiallar: Hər cür rəsm materiallarından istifadə olunub, lakin fotoşəkil, kollaj və başqa vizual elementlərin istifadəsi qəbul edilmir. Yalnız uşağın öz əl işi qəbul olunur.
3) Hər iştirakçı haqqında qısa məlumat (ad, yaş, əsərin adı və qısa təsviri, o cümlədən təmsil etdiyi məktəbin / tədris mərkəzinin adı) qeyd olunmalıdır.
Xüsusi Qaydalar:
Hər bir əsər yalnız uşağın öz əməyi ilə çəkilməli, böyüklər tərəfindən kömək edilməməlidir.
Əsərlər heç bir başqa yarışmada istifadə edilməməlidir və üçüncü şəxslərin müəllif hüquqlarını pozmamalıdır.
Qaliblərin mükafatlarını başqa şəxslərə ötürməsi və ya satması qadağandır.
Müəyyən yerlərdə Toyota-nın rəsmi brend loqosu və dizayn elementləri yerləşdirilməlidir. Başqa markaların loqoları əsərlərdə istifadə olunmamalıdır.
