Artsergi.az və Artlife Azerbaıjan təşkilatçılığı ilə "Rənglərin həbibi" ləqəbli gənc həvəskar rəssam Mədinə Həbibin "Sərhədsiz yaradıcılıq" adlı onlayn solo sərgisi keçirilir.
İstedadlı gənc rəssam Mədinə Həbib 2008-ci il oktyabrın 25-də Bakıda anadan olmuşdur. Hələ kiçik yaşlarından rəsmə böyük marağı olan sənətkarımız ilk əsərlərini təbiətdən ilham alaraq çəkməyə başlayıb. Ailəsindən, eləcə də valideyni Səbinə xanımdan böyük dəstək görən Mədinə bu yolda inamla addımlamağa başlayıb. Bu günə qədər bir çox sərgi və müsabiqələrdə iştirak edib, həmin müsabiqələrin əksəriyyətindən isə mükafatla geri dönüb. Bunlara misal olaraq "Misir Azərbaycan uşaqlarının gözü ilə", Saf rənglər" adlı IV Beynəlxalq Uşaq və Yeniyetmə yaradıcılıq festivalı, "Naxışın sirləri", "Həmrəylik", "Rəngli xəyallar", "Zərərli vərdişlərə yox de sağlam həyat tərzi seç", "Xonçalı novruz", "Doğma diyar Azərbaycan", "Rəngli dünya", "Zəfər", "Yeni il hədiyyəm", "Zəngilan etüdləri", "Zəfər günü", "Tarixin tozlu səhifələri", "Rəssam və təbiət","Zəfər 44", "Christmas miracle", "Zərif qadın", "Şərqin incisi", "Rəssamın kitabı", Arif Hüseynovun rəhbərliyi altında keçirilən "Gənc istedadlar" fərdi sərgisini və s. göstərmək olar.
İstedadlı sənətkarımız iştirak etdiyi müsabiqə və tədbirlərdə çox önəmli nailiyyətlər də əldə etmişdir. Məsələn, "Təhlükəsiz dünya-gələcəyin nəqliyyat vasitələri" nominasiyada 2-ci yerə, "Zərərli vərdişlərə yox de, sağlam həyat tərzi seç" müsabiqəsində 2-ci yerə, "Xonçalı Novruz" adlı məktəblərarası müsabiqədə 1-ci yerə, "Hərb tariximizin şah əsəri- Böyük Zəfər" adlı müsabiqədə 1-ci yerə, "Gəncliyimi necə görmək istərdim" adlı rəsm müsabiqəsində 1-ci yerə layiq görülmüşdür. Eyni zamanda "International - World Innovative Student Exhibition qalibi, 1-ci yer və qızıl medalın sahibidir. Qatıldığı sərgi və müsabiqələrdən bir çox sertifikat və medal əldə etmişdir.
Qarşınızda öz əsərləri ilə hər kəsi, hətta peşəkarları belə valeh edən,"Rənglərin həbibi" ləqəbini boş yerə almadığını hər dəfə sübut edən Mədinə Həbibin solo sərgisi!
Sərgidə iştirak edən əsərlər
