“Yaşıl gələcək üçün”

Bu rəsm əsəri, gələcəyin ekoloji texnologiyasını təmsil edən xüsusi bir *robot Toyota maşını*nı təsvir edir. Robot maşının əsas missiyası – təbiəti qorumaq, ətraf mühiti tullantılardan təmizləmək və topladığı materialları *geri dönüşüm* üçün istifadə etməkdir. Maşının arxa hissəsində şəffaf kapsul içində yaşıl təbiətimiz – ağaclar, təmiz hava və həyat simvolizə olunub. Bu hissə, bizim təbiəti nə qədər qiymətli və qorunmağa layiq olduğunu göstərir. Rəsm həmçinin insan və texnologiyanın birgə əməkdaşlığına diqqət çəkir. Sol tərəfdə insanlar bu robota kömək edir, biri isə başqalarını dəstəyə çağırır. Bu, həmrəylik və məsuliyyət hissini ifadə edir. Maşının təkərləri dünya və geri dönüşüm simvolları ilə bəzədilib – bu, həyatın davamlı dövrünü və təbiətə qayğının əhəmiyyətini vurğulayır. Arxa planda isə Azərbaycanın milli memarlıq inciləri – Heydər Əliyev Mərkəzi və Qız Qalası yer alır. Bu isə həm milli kimliyimizə bağlılığı, həm də qlobal mesaj verən sənətin yerli köklərə dayandığını göstərir.