Sərgi kodu: B10C6DC
Sərgi 15 Dekabr 2025 13:00 tarixində başlayır
19-cu Dream Car Toyota Rəsm Müsabiqəsi
Uşaqlar öz xəyallarını çəkir, Toyota isə həmin xəyallara yol açır.
Kiçik rəssamların böyük ideyalarına inanır, onları yaradıcılığa ruhlandırırıq.
Toyota-nın 19-cu “Dream Car” rəsm müsabiqəsi başladı!
“Toyota Arzuların Maşını” (Toyota Dream Car Art Contest) müsabiqəsi iki mərhələdə keçirilir. Birinci mərhələ Azərbaycanda, ikinci - beynəxalq müsabiqə Yaponiyada keçiriləcək.
Milli turda qalib gələn 9 rəsm Yaponiyadakı müsabiqədə iştirak edəcək.
Milli müsabiqənin 9 qalibi “Toyota Abşeron Mərkəzi” tərəfindən beynəlxalq sertifikat və hədiyyə ilə mükafatlandırılacaq. Müsabiqənin dünya üzrə qalibi isə “Toyota” tərəfindən pul mükafatı və sertifikat ilə təltif ediləcək.
Bütün məktəbləri, rəsm qalerayalarını və dərnəkləri müsabiqəyə dəvət edirik!
Müsabiqənin şərtləri:
Kim iştirak edə bilər: Azərbaycan Respublikasında yaşayan 15 yaşa qədər olan hər bir uşaq.
Yaş kateqoriyaları:
✔️1-ci kateqoriya 7 və daha aşağı yaş;
✔️2-ci kateqoriya 8-11 yaş;
✔️3-cü kateqoriya 12-15 yaş.
Müstəqil münsiflər heyəti tərəfindən müsabiqə iştirakçılarının əsərləri arasından 40 əsər seçilərək, Toyota Abşeron Mərkəzində fiziki sərgilənəcək və onların arasından da hər yaş kateqoriyasına uyğun olaraq 1-ci, 2-ci və 3-cü yerlər üzrə ümumilikdə 9 qalib müəyyən ediləcək və onların əsərləri ümumi müsabiqənin beynəlxalq mərhələsində iştirak üçün Yaponiyaya göndəriləcək.
Uşaqlar nə çəkməlidirlər:
Dünyanı gözəlləşdirən, insanlara xeyir verən, ekoloji təmiz, fantastik, xəyal etdiyi və hamının xoşbəxt olacağı gələcəyin “Toyota” dünyası
Texniki tələblər:
1)Kağız ölçüsü: Əsərlər A3 ölçüsündə kağız üzərində təqdim olunmalıdır.
2) Materiallar: Hər cür rəsm materiallarından (karandaş, yağlı karandaş (pastel), flomaster, akvarel, quaş və s.) istifadə olunub, lakin fotoşəkil, kollaj və başqa vizual elementlərin istifadəsi qəbul edilmir. Yalnız uşağın öz əl işi qəbul olunur.
3) Hər iştirakçı haqqında qısa məlumat (ad, yaş, əsərin adı, əsər və düşüncələri haqqında təsvir mətni, o cümlədən təmsil etdiyi məktəbin / tədris mərkəzinin adı) qeyd olunmalıdır.
Uşağın gələcək avtomobil haqqında düşüncəsi və bu ideyanın vizual təqdimatı ilə yanaşı unikal yanaşma - əsərdə fərqli və yaradıcı ideyaların istifadə olunması, bədii keyfiyyət - rəsmin texniki icrası və kompozisiya keyfiyyəti əsərinizi qalib edə bilər.
Xüsusi Qaydalar:
- Hər bir əsər yalnız uşağın öz əməyi ilə çəkilməli, böyüklər tərəfindən kömək edilməməlidir.
- Əsərlər heç bir başqa yarışmada istifadə edilməməlidir və üçüncü şəxslərin müəllif hüquqlarını pozmamalıdır.
- Rəsmlərdə milli və dövlət atributları, ölkələr, şəhərlər, film və animasiya qəhrəmanlarının obrazları istifadə edilməməlidir.
Yarışmaya necə qoşulmaq olar?
sergi.artlife.az saytından "19-cu Dream Car Toyota Rəsm Müsabiqəsi"nə ("sərgiyə qatıl" düyməsi ilə) müraciət edə bilərsiniz. Rəsm əsərlərinin qəbulu 5 Dekabr 2025-ci il tarixinədək davam edəcək. Bütün müsabiqə iştirakçıları sertifikatlarla təltif ediləcək. Ətraflı informasiya və ya texniki dəstək üçün 0553462560 nömrəsi ilə whatsapp və ya telefon əlaqəsi saxlaya bilərsiniz.
Xəyal et, çək və gələcəyin avtomobilini yarat!
"Toyota Abşeron Mərkəzi" – Sumqayıt şossesi, 6-cı km
