1995-ci ildə Bakı şəhərində doğulmuşam. Nərimanov rayonu 47 saylı orta məktəbi bitirmişəm. 2012-2016-cı illərdə Azərbaycan Dövlət Neft Sənaye Universitetində standartlaşdırma sertifikasiya metrologiya mühəndisliyi ixtisası üzrə bakalavr təhsili almışam. 2021-2023-cü illərdə Azərbaycan Dövlət Neft Sənaye Universitetində magistratura pilləsi üzrə metrologiya və metroloji təminat ixtisaslaşmasını bitirmişəm. Hal-hazırda Azərbaycan Metrologiya İnstitutunda mühəndis-metroloq vəzifəsində çalışıram. Rəssamlıq üzrə ali təhsilim yoxdur. İndi isə əlavə olaraq rəsmlə məşğul oluram. Hələ ki qara qələm, rəngli karandaş, quaş boya və akvarel texnikaları ilə rəsmlər işləyirəm. 2026-cı ildə Bakı şəhəri Müasir İncəsənət Mərkəzində keçirilən sərgidə "Şərab" və "Gün batımı" adlı rəsmlərim nümayiş olunub.