Sərgi kodu: BF97DC4
Rəngarəng Xəyallar, Parlaq Gələcək
Sizləri “Xətai Sənət Mərkəzi” və “Artlife Azərbaycan”ın birgə təşkilatçılığı ilə uşaqlar üçün “Rəngarəng xəyallar, parlaq gələcək” adlı onlayn Rəsm Müsabiqəsinə müraciətçilərin əl işlərindən zövq almağa dəvət edirik! Respublikamızın müxtəlif bölgələrindən müsabiqədə iştirak üçün 120-dən çox müraciət edilmiş, bir-birindən gözəl əl işləri ilə qatılmışlar. Sərgi onlayn formada 1 həftə ərzində ziyarətçilərə açıq olacaqdır.
Müsabiqənin məqsədi uşaqların yaradıcılıq qabiliyyətlərini dəstəkləmək, onların rənglər vasitəsilə xəyallarını ifadə etməsinə şərait yaratmaq və balaca rəssamların istedadını geniş auditoriyaya təqdim etməkdir.
Bütün iştirakçılara təşəkkür sertifikatları təqdim ediləcək. 1 həftə ərzində peşəkar münsiflər heyəti tərəfindən hər kateqoriya (7 yaşa qədər; 7–10 yaş; 11–14 yaş) üzrə 3 qalib müəyyənləşdiriləcək. Qaliblər ayrıca mükafatlandırılacaq və diplomlarla təltif olunacaqlar.
Müsabiqədə iştirak ödənişsiz olmuşdur. Əsərlər yalnız onlayn formada sergi.artlife.az saytı üzərindən təqdim edilmişdir.
Gələcəyin rəssamlarını birlikdə kəşf edək!
