Sərgi kodu: BE6F657
Sərgi 16 Fevral 2026 13:00 tarixində başlayır16 Fevral 2026 13:00
Bir şəhər, min baxış
(yalnız həvəskar fotoqraflar üçün)
“Bir şəhər, min baxış” onlayn foto sərgisi şəhər mövzusuna həvəskar fotoqrafların fərdi və səmimi yanaşmalarını bir araya gətirməyi hədəfləyir. Bu sərgi peşəkar texniki mükəmməllikdən daha çox müşahidə qabiliyyətini, baxış bucağını və müəllifin şəhərlə qurduğu şəxsi münasibəti ön plana çıxarır.
Sərgidə təqdim olunan işlər şəhərin gündəlik ritmini, insanlarla məkan arasındakı əlaqəni və urban mühitin müxtəlif emosional qatlarını əks etdirir. Müxtəlif baxışların bir platformada toplanması şəhərin vahid deyil, çoxqatlı və çoxsəslı bir məkan olduğunu nümayiş etdirir.
(yalnız həvəskar fotoqraflar üçün)
İŞTİRAK QAYDALARI
Sərgidə yalnız həvəskar fotoqraflar iştirak edə bilər.
Hər iştirakçı sərgiyə maksimum 3 fotoşəkil təqdim edə bilər.
Fotoşəkillər müəllifə məxsus olmalı və əvvəlcədən başqa müsabiqələrdə mükafat almamış olmalıdır.
Mövzu: istənilən şəhər (Bakı və ya digər şəhərlər).
Fotoşəkillər rəqəmsal formatda (JPG/PNG), minimal texniki redaktə ilə təqdim olunmalıdır.
Süni intellekt vasitəsilə tam yaradılmış görüntülər qəbul edilmir.
Hər fotoşəkil üçün qısa ad və istəyə bağlı olaraq 1–2 cümləlik açıqlama əlavə oluna bilər.
İştirak haqqı: 5 AZN (1 foto üçün).
İştirak haqqı ödəndikdən sonra işlər sərgi platformasında nümayiş etdirilir.
SERTİFİKAT VƏ FƏRQLƏNMƏ
Sərgidə iştirak edən 10 nəfər fotoqrafa rəsmi rəqəmsal sertifikat təqdim olunacaq.
Seçilmiş 3 iştirakçıya “Fərqlənmə diplomu” veriləcək.
Fərqlənən işlər platformada ayrıca qeyd olunacaq və sosial şəbəkələrdə paylaşılacaq.