Sərgi kodu: B10C6DC
19-cu Dream Car Toyota Rəsm Müsabiqəsi
Uşaqlar öz xəyallarını çəkir, Toyota isə həmin xəyallara yol açır.
Kiçik rəssamların böyük ideyalarına inanır, onları yaradıcılığa ruhlandırırıq.
Toyota-nın 19-cu “Dream Car” rəsm müsabiqəsi iki mərhələdən ibarətdir: birinci mərhələ Azərbaycanda, ikinci - beynəxalq müsabiqə Yaponiyada.
Müstəqil münsiflər heyəti rəsm əsərlərini 3 yaş kateqoriyasına uyğun dəyərləndirdilər:
✔️1-ci kateqoriya 7 və daha aşağı yaş;
✔️2-ci kateqoriya 8-11 yaş;
✔️3-cü kateqoriya 12-15 yaş.
Münsiflər heyəti tərəfindən müsabiqə iştirakçılarının əsərləri arasından 40 əsər seçilərək, Toyota Abşeron Mərkəzində fiziki sərgiləndi və onların arasından da hər yaş kateqoriyasına uyğun olaraq 1-ci, 2-ci və 3-cü yerlər üzrə ümumilikdə 9 qalib müəyyən edilərək, “Toyota Abşeron Mərkəzi” tərəfindən beynəlxalq sertifikat və hədiyyə ilə mükafatlandırıldı. Onların əsərləri ümumi müsabiqənin beynəlxalq mərhələsində iştirak üçün Yaponiyaya göndərildi.
Dünyanı gözəlləşdirən, insanlara xeyir verən, ekoloji təmiz, fantastik, xəyal etdiyi və hamının xoşbəxt olacağı gələcəyin “Toyota” dünyası - bu idi uşaqların öz əsərlərində canlandırdıqları. Uşaqların gələcək avtomobil haqqında düşüncəsi və bu ideyanın vizual təqdimatı ilə yanaşı unikal yanaşma - əsərdə fərqli və yaradıcı ideyaların istifadə olunması, bədii keyfiyyət - rəsmin texniki icrası və kompozisiya keyfiyyəti münsiflərin diqqət etdikləri əsas faktorlardan idi.
Xəyal et, çək və gələcəyin avtomobilini yarat!
