Mirəliyev Həsən hələ uşaq bağçasına getdiyi vaxtlardan onun rəsmə olan həvəsi və qabiliyyəti müəllimlərinin marağını cəlb etmişdir. Rəsm müəlliməsi həmişə onun rəsmlərinin digərlərindən fərqləndiyini deyirdi. Həsən öz çəkdiyi şəkilləri ilə bir neçə dəfə sərgilərdə iştirak edib, sertifikatlar almışdır. Hal-hazırda Həsənin 13 yaşı var və 7 yaşından rəsm kursuna gedir. Müəllimləri, o cümlədən rəssam Malik Hüseynov onun istedadını həmişə qeyd edir, ona bu sənətin incəliklərini öyrədir. Mən, bir ana kimi, oğlumun bu yaradıcılığının ən yüksək pilləsinə çatmasını arzulayıram.