Rəsm və modaya həvəs hər zaman mənimlə olmuşdur. Özüm öyrənən insanam. Amma hər zaman həvəskar səviyyədə saxlayırdım ki, istedaddır, heç yerə getməz. Yeniyetmə başı ilə verilmiş qərar idi, o dönəm üçün doğru olsa da, sonralar səhv qərar idi. Belə uzun çəkməmli idi :) Peşə seçimi yaşlarım ölkəmizin çətin dönəminə düşdüyündən incəsənətin ardınca getməyə cəsarətim və şərait yox idi. Lakin illər sonra nəhayət daxili səsim kənar səslərdən güclü oldu və Artlife-a əvvəlcə həvəskar rəssam kimi qoşuldum, daha sonra isə moda-eskiz kurslarının da tədris olunduğu öyrənəndən sonra pandemiya dönəmində belə kursda iştirak etdim. Çox minnətdaram! Nəinki qısa müddətdə 15 ilin boşluğunu doldurdum, hətta gözəl insanlar tanıdım və özümü kəşf etdim! Artlife sadəcə kurs deyildi mənim üçün, bir məktəbdir və gözəl bir mühit. İlk təhsilim linqvistikadır. Tərcüməçiyəm. Hal-hazırda isə yaradıcılığın izi ilə gedirəm :)