Mən sadəcə həvəskar rəssamam. Uşaqlıqdan içimdəki yaradıcılığa maraq və özümü ifadə etmək hissi məni musiqi, toxuculuq və rəsmə yönləndirib. Nəhayət ki, illər sonra çəkdiyim rəsmlərdə özümü kəşf etdim. Rəssam olmasam da, emosional anlarımda rəsm özümü ifadə etməyə, rahatlamağa və anlamağa yardımçı olur.

Rəssamlıqdan biraz uzaq adam olsam da, hər zaman rənglərin biri birini necə tamamladığını, özü ilə sehirli dünyanın qapısını açdığını, sənə yol açıb uzaqlara apardığını sevmişəm... Hər zaman rəssamların təxəyyülündə hər hansısa lalələrlə dolu bir düzənlikdə və ya dəniz sahilində, dəniz ulduzu və ya yelkənli bir qayıqların əhatəsində səfər etmək istərdim. Mən rəsm çəkə bilməsəm də, bu rəngarəng rənglər dünyasına səyahət etmək istərdim ... Bəlkə də buna görə də, məhz betta balıqları saxlayıram ....