Sərgi 01 İyun 2023 10:00 tarixində başlayır
Hörmətli iştirakçılar, bu dəfə sizə yox, içinizdəki uşağa səslənirik. Çünki bu sərgidə iştirak etmək üçün onun xəyal dünyasına ehtiyacınız olacaq.
Artsergi.az və Artlife Azerbaijan təşkilatçılığı ilə Beynəlxalq Uşaqlar Gününə həsr olunan "Sən, ey uşaqlıq" adlı online rəsm sərgisi keçiriləcək.
Sözsüz ki, hər birimizin uşaqlıqdan bəri çox sevdiyi və yaşımız artsa geridə qoya bilmədiyimiz cizgi film və ya kino qəhrəmanları var. Gəlin, onların təsvirini bir-birimizlə paylaşaq və bir anlıq uşaqlığımıza geri qayıdaq.
Rəsm əsərlərinin işlənmə texnikası, ölçü və materialı sərbəstdir. Sərgidə iştirak etmək istəyən rəssamlar ad, soyad, təvəllüdü ilə birlikdə rəsmin fotosunu və adını, eyni zamanda ölçüsünü və texnikasını əks etdirən qısa mətn şəklində sayt üzərindən başvuru etməklə bizə göndərə bilər.
Başvurular 31.05.2023 tarixində bitir.
Sərgidə iştirak edən hər bir əsər QR kodla təmin olunacaq və rəssamlara sərgi sertifikatlari təqdim olunacaqdır.
İştirak Artlife üzvləri üçün ödənişsizdir. Üzv olmayanlar 10 azn ödəyərək qeydiyyatdan keçə bilər.