Bilindiyi kimi memarlıq abidələri dünyanın əsas maddi mədəniyyət nümunələridir. Hər biri özündə aid olduğu xalqın tarixi və mədəniyyətini canlı şəkildə əks etdirir. Azərbaycan ərazisində də xalqımızın zəngin maddi mədəniyyət irsini nümayiş etdirən memarlıq abidələri ilə zəngindin. Bunlar arasında xüsusi olaraq seçilən və 2000-ci ildən UNESCO-nun Ümumdünya irs obyektlərinin siyahısına daxil olan Qız qalası da var. Mən də seçimimi qız qalasından etdim. Tarixi, qədimiliyini qoruyan hər bir şey marağ dairəme çevrilir və işlərimdə buna üstünlük verirəm. Əsərdə gördüyünüz Qız qalası canlı etüddür. Həmçinin orada çəkilən narlar, kəlağayı, naxışlar, məscid və milli geyim İçərişəhərdə gəzərkən gördüklərim və dərhal qələmə aldıqlarımdır. Əsərdə qarışıq texnikadan istifadə edilib. Akvarel, gel qələm, Linoqravüra (linolium və qravüra) - linoleum üzərində çəkilmiş və sonra kağız üzərində çap olunmaq üçün istifadə olunan oyma növüdür. Əsərdə gördüyünüz naxışlar, milli geyimdə olan qız, narlar, məscid linoleum üzərində işlənib çap olunmuşdur. Daha sonra işi bir neçə parçaya ayıraraq (kənarlarını yandıraraq) kollaj kimi istifadə etmişəm.
