Qışda bitən bahar

Rəssamın kitabı adlı müsabiqəni gördükdə bu məni həyəcanlandırdı. Çünki tamda mənim işimi əks etdirən müsabiqə idi. Bunun üçün də, Mikayıl Müşfiqin şeirlər toplusuna aid çəkdiyim əsər ilə iştirak etmək qərarını aldım. Ardıcıl olaraq ilk orada kitabın üz qabığını (ön və arxa), titul səhifəsini, və Mikayıl Müşfiqin "SƏNİN GÜLÜŞLƏRİN" adlı şeirinə çəkdiyim illüstrasiyanı, kitaba aid olan əlfəcinləri ( hər biri əl işidir) və "QIŞDA BİTƏN BAHAR" adlı əsərinə hazırladığım kitabın üz qabığının real görünüşünü görə bilərsiz. Kitabın adı və dizaynı tamamilə mənə aiddir. Kitabın adı "QIŞDA BİTƏN BAHAR" xüsusilə düşünülmüşdür. Məlumdur ki, istedadlı Azərbaycan şairi Mikayıl Müşfiq ömrünün bahar çağında, yəni gənc yaşda repressiya qurbanı olub və dünyasını dəyişib. Onun həyata əlvida dediyi vaxt isə elə qış fəslinə təsadüf etdiyindən bu kitabın adı da onun nakam ömrü ilə ahəng təşkil edib və "QIŞDA BİTƏN BAHAR" adını alıb.