Müasir Azərbaycan

Sizə bir rəsm əsərinin yaradılmasından bəhs edim: Payız səhəri dənizkənarı parkda skamyada əyləşib günəşin dənizdə sayrışıb bərq vuran qızılı işıqlarının saçmasını görüb düşüncələrimdə bir mənzərə canlandı. Payız fəslinin rənginə uyğun qızılı günəş və parıldayan ləpələrə bürünmüş dənizin mənzərəsini çəkməyə başladım. Başımı qaldırıb ətrafa baxanda dənizin arxasından Üç Alov qülləsindən ilhamlanıb yeniliklər əlavə etdim və ortaya "Müasir Azərbaycan" əsəri çıxdı. Boyalarımla çəkdiyim rəsmi kətan üzərində daha da gözəlləşdirdim. Günü gündən gözəlləşən Bakımızı bu cür təsvir etdiyim üçün xoşbəxtəm.