Sərgi kodu: BBDB298
Sərgi 02 Avqust 2025 13:00 tarixində başlayır
Mənim şəhərim
Artlife Azerbaijan və artsergi.az onlayn sərgi platformasının birgə təşkilatçılığı ilə, Azərbaycanın müxtəlif bölgələrindən olan 18 yaşadək uşaq və yeniyetmələr üçün “MƏNİM ŞƏHƏRİM” adlı onlayn sərgi-müsabiqəyə start verilir!
Layihənin əsas məqsədi gənc istedadların doğma şəhər və kəndlərini öz yaradıcılıq baxış bucağından təqdim etməsinə şərait yaratmaq, onların bacarıqlarını stimullaşdırmaq və mədəni irsimizi yeni nəsil vasitəsilə təbliğ etməkdir.
Müsabiqə şərtləri:
• Müsabiqə il boyu hər ay onlayn formatda keçiriləcək.
• İştirakçılar rəsm və digər vizual sənət növləri üzrə öz əsərlərini təqdim edə bilərlər.
• Hər ayın sonunda qaliblər 1-ci, 2-ci və 3-cü yerlər üzrə müəyyən ediləcək və təltif olunacaqlar.
Mükafatlandırma və yekun sərgi:
• Aylıq qaliblər diplom əldə edəcəklər.
• İl ərzində keçirilən bütün müsabiqələrin qaliblərinin əsərləri Bakı şəhərində təşkil olunacaq fiziki sərgidə nümayiş olunacaq. Bu sərgi gənc istedadların cəmiyyətə təqdim olunması və onların peşəkar inkişafına dəstək məqsədi daşıyır.
Ödəniş: 15AZN
Gəlin doğma şəhərlərimizi gənc fırçalarla yenidən kəşf edək!